Dån besa jienastit ragátmáno 8.b. rájes tjabu válljimbäjvváj ragátmáno 21.b. Jienasta de bájnatja majt girkko galggá dahkat bájkálattjat, dajvalattjat ja rijkalattjat. Maj dån aná Svieriga girkko galggá barggat? Duv jiedna l ájnas!
Svieriga girkko l Svieriga stuorámus jáhkkosebrudahka 5,5 miljåvnåjn sebrulattjajn. Risstalasj vuodo mierkki oasálasjvuohta gájkka ulmutjij árvvuj ja árvvogisvuohtaj ja aktijvalasj birás- ja dálkadakbargguj. Serbrulattjan dån doarjo aktisasjvuohtaj, ávvuj, tjiegŋodibmáj ja aktijvuohtaj allasit ja iehtjádijda, buojkulvissan gástadime, fiesstima, ietjá jubmeldievnoj, rabás åvddåskåvlå, manáj- ja nuorajdåjma, kåvråj ja konsertaj baktu.
Dån doarjo aj bisodit mijá aktisasj kultuvrraárbev, huodnahij ja árbbedábij hámen ja dån oassálasstá doarjjot girkko sosiálalasj bargov ulmutjijda gártjesvuodan, aktuvuodan ja surgon.
Návit dån máhtá jienastit
1. JiCoronadak girkkoválljim enasta válljimbiejve ragátmáno 21.b. duv válljimlanján
Duv válljimladnja ja rabásájge li tjáledum jienastimkårtån. HUOM! Dån val besa jienastit válljimlanján válljimbiejven. Maŋŋáj valde ID- kårtåv ja buorre l aj válldet maŋenit jienastimkårtåv.
2. Åvddålájgejienastit
Dån besa åvddålájgejienastit ragátmáno 8.b. rájes tjabu válljimbäjvváj ragátmáno 21.b. Gájkka jiena ma guodeduvvi åvddålájgejienastimlanjájn gåhtjoduvvi åvddålájgejiednan, vájku jienastibme dagáduvvá válljimbiejven. Dån gávna gájkka sajijt ja rabásájgijt svenskakyrkan.se/kyrkoval. Dån hähttu maŋŋáj válldet jienastimkårtåv ja id-kårtåv.
3. Brevvajienastit
Jienastittjat brevajn de dån dárbaha brevvajienastimskurpov. Dån máhtá dav viedjat tjoaggulvis- jali paståvrrådåjmadagán. Skurpon gávnnu diededibme gåktu dagá jienastit brevajn. Brevvajiedna hähttu rájaduvvat vaj la jåvsådam stifftaj maŋemusát ragátmáno 19.b. (ragátmáno 17.b. jus jienasta ålggorijkas).
4. Jienastit budájn
Jienastittjat budájn de dån dárbaha brevvajienastimskurpov. Dån máhtá dav viedtjat tjoaggulvis- jali paståvrrådåjmadagán. Skurpon gávnnu diededibme gåktu dagá jienastit budájn. Budá guodá duv jienav válljimlanján jali åvddålájgejienastimlanján mij la tjoaggulvisán jali pastoráhtan gåsi dån gullu.
Jus dån la ålggorijkan válljimbiejven
Dån gut la girkkotjáledum Svierigin valla åro ålggorijkan besa brevvajienastit válljima aktavuodan. Brevvajienastittjat de dån dárbaha brevvajienastimskurpov. Dån máhtá viedtjat dav jali rávvit duv paståvrrå- jali tjoaggulvisdåjmadagas jali ålggorijkkatjoaggulvisás. Jus dujna illa jienastimkårttå maŋenit de dån máhtá rávvit ådåsav. Rájaduvvá de ålggorijkkatjoaggulvissaj mij la duv lagámusán. Duv brevvajiedna hähttu jåvsådam girkkostivrraj maŋemusát ragátmáno 17.b.
Sidá viehkev jus juorrula
Buorre l diehtet gájkajn gudi barggi válljimlanjájn ja åvddålájggejienastimlanjájn la sjávovälggogisvuohta.
Duv jiedna bájnasj gåktu Svieriga girkko stivrriduvvá
Girkkoválljimin dån besa jienastit gålmån válljimin.
Bájkálattjat - Válljim girkkofábmoduvvamij -
Dån vállji girkkofábmoduvvamij tjoaggulvisán jali pastoráhtan gånnå dån åro. Girkkofábmoduvvam mierret rájijt doajmmaj mij gávnnu duv lahkusin. Buojkulvissan makkir doajmma galggá gávnnut mánájda, nuorajda ja vuorrasijda, jali gåktu musjikkaviessom galggá årrot.
Vielggis válljimsiedila.
Dajvalattjat - Válljim stifftafábmoduvvamij -
Svieriga girkko l juogedum 13 stiftan. Stifftafábmoduvvam la stifta alemus mierrediddje orgána. Stiftaj dagos la åvdemusát doarjodit tjoaggulvisájt sijá dåjman ja tjuottjudusán. Galggá gus buojkulvissan girkko ådåstuhteduvvat de stiffta máhttá doarjjot máhttudagájn gittaåbmudaksuorgen.
Guovggisruoppsis válljimsiedila.
Rijkalattjat- Válljim girkkotjåhkalvissaj -
Girkkotjåhkalvis la Svieriga girkko alemus mierrediddje orgána.Girkkotjåhkalvisá 251 ájrrasa mierredi girkko aktisasj ja gájkbadjásasj ássij hárráj. Gájkka gåktu girkko galggá barggat dálkádakássjijn gitta makkir sálma ma galggi gávnnut sálmmagirjen.
Visská válljimsiedila.
Nominerimjuohkusa ja kandidáhta
Juohkusa ma oassálassti girkkoválljimin gåhtjoduvvi nominerimjuohkusin. Vuosstájvásstedi bájkoj belludagájt gájkkásasj válljimijn.
Dån besa jienastit sierra ulmutjij gålmån kandidáhtan gå ruossi sidjij válljimsiedilin. Ruossa lasedi kandidáhta máhttelisvuodav válljiduvátjit ja duv bässa åvdåstit. Jus dån i aktasik ruossi de nominerimjuogos oadtju duv jienav.
4,7 miljåvnån la jienastimriektá
Girkkoválljimin 2025 la 4,7 miljåvnån ájrrasin jienastimriektá. Jienastimriektá l sujna gut la binnemusát 16 jagák maŋemusát válljimbiejven ja sebrulasj Svieriga girkkon. Dån dárbaha aj årrot álmmuktjáledum Svierigin.
Jienastimkårttå
Jienastimkårttå l árvvopáhper. Sisanet diededimev duv válljimlanjá hárráj ja gånnå dån besa åvddålájgejienastit. Dujna hähttu maŋŋáj válldet jienstimkårtåv jus åvddålájgejienasta. Dån hähttu aj máhttet ietjat legitimerit. Jus dån jienasta duv válljimlanján de l nuoges dujna l ietjat legitimasjåvnnå maŋenit.
Jienastimkårttå rájaduvvá duv álmmuktjáledimårudahkaj ja galggá jåvsådam maŋemusát ragátmáno 3.b.
Rávvit ådå jienastimkårtåv
Jus dån láhpá jienastimkårtåv de ådåsav oattjo (n.g. moattádusjienastimkårttå). Rávvi ådå jienastimkårtåv gå aktavuodav váldá duv tjoaggulvisájn. Dån máhtá aj rávvit svenskakyrkan.se/kyrkoval baktu. Ådå jienastimkårttå rájaduvvá duv álmmuktjáledimårudahkaj.
Válljimboados
Gå válljimlanjá ja åvddålájgejienastibme li dahpadum ragátmáno 21 b. de riekknigåhti jienajt. Jiena registarduvvi digitálalattjat ja aktijriekknimav máhttá tjuovvot svenskakyrkan.se/kyrkoval.
Ienep birra jienastit brevajn ja budájn
Sån gut sihtá máhttá jienastit brevajn ja budájn. Brevvajienastittjat de dån dárbaha brevvajienastimskurpov. Dån jali ietjá ulmusj máhtá viedtjat dav tjoaggulvis- jali paståvrrådåjmadagán. Dån máhtá aj rávvit dav gå riŋŋgi válljimdievnastussaj: 010-18 19 400 bårggemáno 30.b. rajes. Das åvddåla dån máhtá riŋŋgit Svieriga girkko duostudahkaj 018-16 95 00.
Brevvajienastimskurpon gávnnuji válljimsiedila ja kuvera juohkka válljimij, akta kuverra brevva- ja budájienastibmáj ja akta ålgoldiskuverra, gejda sihti brevajn jienastit. Sisanet aj diededimev gåktu dahká jienastit brevajn ja budajienastit.
Dån dagá návti gå jienasta brevajn ja budájn:
- Jus dujna illa nominerimjuohkusa ietjas válljimsiedil de dån máhtá tjállet nominerimjuohkusa namáv guoros válljimsiedilij.
- Dån bieja válljimsiedilav juohkka válljimij (vielggis válljimsiedil girkkofábmoduvvamij, guovggisruoppsis válljimsiedil stifftafábmoduvvamij, visská válljimsiedil girkkotjåhkalvissaj) valljimkuverraj ja dabbmi aktij dav.
- Guovte vihtana säbrramin de dån bieja aktijdabbmidum válljimkuverav kuverraj brevva- ja budájienastibmáj (K4) mij gávnnu brevvajienastimskurpon. Dabbmi aktij kuverav.
- Kuveran brevva- ja budájienastibmáj (K4) de dån tjálá ietjat ulmusjnummarav ja ietjat nammatjállagav duodastussan dån la tjadádam jienastimev rievtesláhkáj.
- Sämmi kuveran brevva- ja budájienastibmáj (K4) guokta vihtana vuollájtjálli ietjasa nammatjállagij ja sij duodasti sij li vuojnnám duv vuollájtjállet kuverav. Vihtana hähttuji ållim 18 jage jali vuorrasappo.
Ájgo gus dån jienastit budájn de dån galga tjuovvot dájt biedjamdagojt:
- Budá maŋŋáj válldá kuverav (K4) valljimladnaj jali åvddålájgejienastimladnjaj. Jienastimkårttå hähttu máŋŋáj váldeduvvat jus jiedna guodeduvvá åvddålájgejienastimlanján, valla buorre l aj dav maŋŋáj válldet vájku guodeduvvá duv valljimlanján.
- Budá guodá duv brevvajienav ja tjállá ietjas namáv, ietjas ulmusjnummarav ja ietjas årudagáv ja duodas ietjas nammavuollajtjállagijn ahte dån la vuollájtjállám duodastusáv kuveran. Budá galggá máhttet ietjas duodastit ja ållim la binnemusát 18 jage.
Jus ájgo jienastit brevajn de dån galga tjuovvot dájt biedjamdagojt maŋŋel gå la vuollájtjállam kuverav brevva- ja budájienastibmáj ja dav duodastum ja vuollájtjáledum guovtet vihtanis:
- Bieja jienastimkårtåv (K4) kuveran brevvajiednaj ja jienastimkårttåj (K5) aktan duv jienastimkårtåjn.
- HUOM! Bieja jienastimkårtåv vaj adrässa stifftastivrraj vuojnnu rievtes vinndegin kuveran ja diedo válljimsiebrreráde, válljimgievle ja duv nummar jienastimlågon vuojnnu gåro vinndegin kuveran.
- Rája brevav. Brevvamärkka ij la dárbulasj.
- HUOM! Rája brevav vaj jåvsåt maŋemusát ragátmáno 19.b.
Ienep diededibme
Válljimdievnastus rahpá bårggemáno 30.b. ja aktavuodav máhttá válldet tel: 010-18 19 400. Dån máhtá åvddåla aktavuodav válldet Svieriga girkko duostudagájn tel: 018-16 95 00. Dån máhtá aj rádjat e-påvståv: kyrkoval@svenskakyrkan.se