Sáhtát jienastit čakčamánu 8 beaivvi rájis gitta válgabeaivvi čakčamánu 21 beaivvi rádjái. . Jienasteamiinat váikkuhat dasa maid girku galgá bargat báikkálaččat, regiovnnalaččat ja nationálalaččat. Got du mielas Ruoŧa girku galgá bargat? Du jietna lea dehálaš!
Ruoŧa girku lea Ruoŧa stuorimus oskkolaš searvi mas leat 5,5 miljuvnna miellahttu. Risttalaš vuođđu buktá mielddis áŋgiruššama buot olbmuid árvui ja gudnái ja aktiivvalaš biras- ja dálkkádatbarggu. Miellahttun leat oassin oktavuhtii, illui, čiekŋudeapmi ja oktavuohta allasat ja iežáide, ovdamearkka dihte gásttašemiin, heajain, iežá ipmilbálvalusin, rabas ovdaskuvllain, mánáid- ja nuoraiddoaimmain, koaraid ja konsearttaid bokte.
Leat maid olis seailluhit min oktasaš kulturárbbi, huksehusain ja árbevieruin ja leat mielde doarjume girku sosiála barggu hearkkes, oktonas ja moras olbmuid várás.
Ná sáhtát jienastit
1. Jienas válgabeaivvi 21 beaivvi čakčamánus iežat válgalanjas
Jienastangoarttas logat iežat válgalanja ja rabasáiggit. FUOMÁT! Sáhtát dušše válgabeaivvi jienastit válgalanjas. Váldde mielde ID-báhpiriid ja jienastangoartta jos lea.
2. Ovdajienastit
Sáhtát ovdajienastit čakčamánu 8 beaivvi rájis maiddai válgabeaivvi čakčamánu 21 beaivvi. Gait jienat mat gurrojuvvojit ovdajienastanlanjaide gohčojuvvojit ovdjietnan, vaikko jienasteapmi dahkko válgabeaivvi. Gávnnat visot báikkiid ja rabasáiggiid dán siiddus: www. svenskakyrkan.se/kyrkoval. Fertet váldit mielde jienastangoartta ja id-báhpiriid.
3. Reivejienastepmi
Reivejienasteapmái dárbbašat reivejienastanpáhka. Máhtát dan viežžat searvegotti- dahje pastorčállingottis. Páhkas leat dieđut got jienasta reivve bokte. Reivejiena ferte sáddet nu ahte dat olle stiftii maŋemusat čakčamánu 19 beaivvi (čakčamánu 17 beaivvi jus jienastat olgoriikkas).
4. Jienastit sáttaolbmo vehkiin
Jus áiggut jienastit sáttaolbmo vehkiin de dárbbašat reivejienastanpáhka. Sáhtát dan viežžat searvegotti- dahje pastorčállingottis. Páhkas leat dieđut got jienastat sáttaolbmo vehkiin. Sáttaolmmoš guođđá du jiena válgalatnjii dahje ovdajienastanlatnjii mii lea dan searvegottis dahje pastorahtas masa gulat.
Jus válgabeaivvi leat olgoriikkas
Don guhte leat girkoi čálihuvvon Ruoŧas muhto orut olgoriikkas válgaáiggis sáhtát jienastit reivve bokte. Rievejienasteapmái dárbbašat reivejienastanpáhka. Dan sáhtát viežžat searvegotti- dahje pastorčállingottis, dahje olgoriikkasearvegottis. Jus dus ii leat jienastankoarta mielde de sáhtát diŋgot ođđa. Dat sáddejuvvo dan olgoriikkasearvegoddái mii lea du lagamus. Du reivejietna ferte leat girkostivrra hálddus maŋemusat čakčamánu 17 beaivvi.
Jus leat eahpesihkkar bivdde veahki
Lea buorre diehtit ahte bargiin válgalanjain ja ovdajienastanlanjain lea jávohisvuođageasku.
Du jietna váikkuha Ruoŧa girku stivremii
Girkoválggain sáhtát jienastit golmma válggas
Báikkálaččat - Válggat girkodievasčoahkkimii
Válljet Girkodievasčoahkkimii searvegottis dahje pastorahtas gos orut. Girkodievasčoahkkin bidjá rájiid doaimmaide mat leat du lahkosis. Sáhttet leat makkár doaimmat searvegottis galget leat mánáide, nuoraide ja boarrásiidda dahje makkár musihkkaeallin galgá leat.
Vilges válgalihput.
Guovllolaččat - Válggat stifta dievasčoahkkimii
Ruoŧa girkus leat 13 stifta. Stifta dievasčoahkkin lea stifta bajimus mearrideaddj. Stiftat galget vuosttažin doarjut searvegottiid iežaset doaimmas ja hálddahusas. Jos ovdamearkan girku galgá divvojuvvot de stifta sáhttá veahkehit opmodatsuorggi čehppodagain.
Rosa válgalihput.
Našuvnnalaččat - Válggat girkočoahkkimii
Girkočoahkkin lea Ruoŧa girku alimus mearrideaddji orgána. Girkočoahkkima 251 áirasa mearridit girko oktasaš ja oppalaš jearaldagaiguin. Áššiš got girko galgá bargat dálkkádatáššiin gitta jearaldahkii makkár sálmmat galget leat sálbmagirjjis.
Fiskes válgalihput.
Nammadanjoavkkut ja evttohasat
Joavkkut mat servet girkoválggaide gohčoduvvojit nammadanjoavkun. Leat sullasaččat almmolaš válggaid bellodagain..
Sáhtát addit persovdnajiena golmma evttohasaide go daid merket ruossain válgalihpus. Ruossat lasihit evttohasa vejolašvuođa válljejuvvot ja ovddastit du. Jus it bija ruossa de manná du jietna nammadanjovkui.
4,7 miljovnnain lea riekti jienastit
Girkoválggain jagis 2025 lea 4,7 miljuvnna miellahttus jienastanriekti. Son gii válgabeaivvi lea 16 jagi dahje boarráset ja lea miellahtu Ruoŧa girkus sus lea riekti jienastit. Fertet maid leat álbmotčálihuvvon Ruoŧas.
Jienastangoarta
Jienastankoarta lea árvobábir. Das leat dieđut du válgalanjas ja gos sáhtát ovdajienastit . Go ovdajienastat dus ferte leat jienastankoarta mielde. Galggat maid máhttit iežat legitimeret. Jus jienastat válgalanjas de lea doarvái jus dus lea legitimašuvdna mielde.
Jienastangoarta sáddejuvvo du álbmotčálihančujuhussii ja galgá ilbman maŋemusat čakčamánu 3 beaivvi.
Diŋgo ođđa jienastangoartta
Jos láhpát jienastangoarttat de sáhtát oažžut ođđa ( n.g. duppaljienastangoarta). Diŋgo ođđa jienastangoartta - váldde oktavuođa iežat searvegottiin. Máhtát maid diŋgot dás www.svenskakyrkan.se/kyrkoval. Ođđa jienastangoarta sáddejuvvo čujuhussii gosa leat čálihuvvon.
Válgabohtosat
Go válgalanjat ja ovdajienasteapmi lea loahpahuvvon čakčamánu 21 beaivvi de álget lohkat jienaid. Jienat registrerejuvvojit digitálalaččat ja rehkenastima sáhttá čuovvut www. svenskakyrkan.se/kyrkoval.
Eanet reivve- ja sáttaolbmo jienasteamis
Son guhte dáhtto sáhttá jienastit reivve dahje sáttaolbmo bokte. Dasa dárbbašat reivejienastanpáhka. Dan sáhtát don, dahje iežá olmmoš viežžat pastor- dahje searvegotti čállingottis. Sáhtát maid diŋgot dan jus čuojahat válgabálvalussii borgemánu 30 beaivvis: 010- 18 19 400. Das ovdal sáhtát čuojahit Ruoŧa girku vuostáváldimii 018-16 95 00.
Reivejienastanpáhkas leat válgalihput ja kuvearttat visot válggaide, kuvearta reive- ja sáttaolbmo jienasteapmái ja olgokuvearta daidda geat áigut jienastit reivve bokte. Leat maid dieđut got jienasta reivviin ja sáttaolbmo bokte.
Ná jienastat reivve ja sáttaolbmo bokte:
- Jus dus ii leat nammadanjoavkku iežas válgalihppu de sáhtát čállit nammadanjoavkku nama guorus válgalihppui.
- Bijat válgakuvertii válgalihpu juohke válgii ja giddet dan (vilges válgalihppu girku dievasčoahkkimii, rosa válgalihppu stifta dievasčoahkkimii, fiskes válgalihppu girkočoahkkimii).
- Guovtti vihtana oidnosis bijat dan giddejuvvon válgakuveartta kuvertii mii lea reive ja sáttaolbmo jienasteami váras (K4). Dan gávnnat reivejienastanpáhkas. Gidde kuveartta.
- Kuvertii reive- ja sáttaolbmo jienasteapmái (K4) čálát du persovdnanummara ja du vuolláičállima dáhkádussan dasa ahte leat čađahan jienasteami rievttes láhkái.
- Dan seammá kuvertii reive- ja sáttaolbmo jienasteapmái (K4) čálliba guokte vihtana sudno vuolláičállimiid ja dáhkideaba soai leaba oaidnán du čállime vuollái kuvertta. Vihtanat ferteba leat 18 jahkásaččat dahje boarráset.
Jus áiggut jienastit sáttaolbmo vehkiin de galggat dáid lávkkiid čuovvut:
- Sáttaolmmoš doalvu kuveartta (K4) válgalatnjii dahje ovdajienastanlatnjii. Jienastangoarta ferte leat mielde jus jietna addo ovdajienastanlanjas. Lea vuogas váldit mielde josjienastatiežat jienastanlanjas.Sáttaolmmoš guođđájienat ja čállá namas, persovdnanummara ja čujuhusa ja duođašta don leat dáhkádusa bokte čállán vuollái kuveartta. Sáttaolbmos ferte leat legitimašuvdna ja leat unnimusat 18 jahkásaš.
Jus áiggut jienastit reivve bokte de čuovo dáid lávkkiid maŋŋil go leat vuolláičállán kuveartta reive- ja sáttaolbmojienasteapmái ja lea dárkkistuvvon ja vuolláičállon guovtti vihtaniin:
- Bija kuveartta (K4) kuvertii reivejienastepmái ja jienastangortii (K5) ovttas iežat jienastangoarttain.
- FUOM! Bija jienastangoartta vai čujuhus stiftastivrii lea oidnosis olgeš bealis kuvearttas ja dieđut válgalávdegoddái, válgabiirii ja du jienastanlogunummar lea oidnosis kuveartta gurutbeali láses.
Bija reive postii. Portomáksu ii leat dárbbašlaš.FUOM! Bija reivve postii vai olle maŋemusat čakčamánu 19 beaivvi.
Eanet diehtu
Válgabálvalus rahpá borgemánu 30 beaivvi telefovnnas 010-18 19 400. Dan ovdal sáhtát váldit oktavuođa Ruoŧa girku telefovdnaguovddážiin 018-16 95 00. Sáhtát maid sáddet e-poastta kyrkoval@svenskakyrkan.se