Datne maahtah jienestidh skïereden 8:n biejjeste, veeljemebeajjan skïereden 21 b. Gosse jienestidh datne tsavtsa mejnie gærhkoe edtja lïhkesdïjre, regionaalesne jïh nasjonsealesne barkedh. Mejnie datne tuhtjh gærhkoe edtja barkedh? Dov gïele vihkeles!
Svïenske gærhkoe lea Sveerjen stööremes jaahkoeseabradahkedahke, gusnie 5,5 millijovnh lïhtsegh. Kristeles maadtoe lea ïedtjem gaajhkh almetji vyörtegs jïh vyörtegsvoetide, eadtjalgehteme byjrese jïh klijmabarkoe. Goh lïhtsege datne meatan ektievoetesne, aavosne, goerehtimmesne jïh gaskesem dutnjien jïh jeatjah almetjigujmie, vuesiehtimmien gaavhtan laavkomisnie, provresehïejesne, jeatjah gyrhkesjimmesne, gaahpode aarhskuvlesne, maana- jïh noeredarjoemisnie,laavloemisnie jïh konsertine.
Datne aaj meatan mijjen ektie kultuvreaerpiem vaarjelh, goh ståapoeh jïh vuekieh, jïh aaj gærhkoen sosiaale barkoeh meatan duedtedh, almetjidie mah nåake utnieh, mah oktegh jïh sårkosne.
Naemhtie maahtah jienestidh
1. Jienestidh skïereden 21 biejjien dov veeljemegåetesne.
Dov veeljemegåetie jïh gosse gaahpode veeljemekåarhtesne tjåådtje. GÏEHTJH! Datne maahtah ajve veeljemegåetesne veeljemebiejjesne jienestidh. Vaeltieh meatan legitimasjovnem jïh aaj veeljemekåarhtem.
2. Åvtelbodti jienestidh
Datne maahtah åvtelbodti jienestidh skïereden 8.n biejjeste gosk veeljemebeajjan skïereden 21 beajjan. Gaajhkide gïelide mah åvtebodti-jienestimiegåetine vedtien, gåhtjoen åvtebodti-jiestimmieh, læjhkan jis jienestamme veeljemebiejjesne. Datne gaajhkh sijjieh jïh gaahpoebaelieh daesnie gaavnh: svenska kyrkan.se/kyrkoval. Datne daarpesjh veeljemekåarhte jïh legitimasjovne meatan vaeltedh.
3. Prievine jienestidh
Ihke prievien tjïrrh jienestidh datne aktem prievieveeljemepaagkem daarpesjh. Paagkem maahtah gærhkoeåålmege- jallh hearraekspedisjovneste veedtjedh. Desnie bïevnesh gååvnese guktie edtjh darjodh ihke prievien tjïrrh edtjh jienestidh. Prieviejienestimmiem daarpesjh seedtedh gosk stiftese båata minngemes skïereden 19 biejjien (skïereden 17 biejjien jis ålkoelaanteste jienesth).
4. Dïjreguedtine jienestidh
Ihke dïjreguedtine jienestidh datne aktem prievieveeljemepaagkem daarpesjh. Paagkem maahtah gærhkoeåålmege- jallh hearraekspedisjovneste veedtjedh. Paagkesne bïevnesh gååvnese guktie datne edtjh darjodh ihke dïjreguedtine jienestidh. Dïjreguedtije dov gïelem laahpa akten veeljemegåetesne jallh åvtebodti-jienestimmiegåetesne mij lea dov gærhkoeåålmegisnie jallh pastoratesne gusnie datne meatan.
Jis datne ålkoelaantesne veeljemebiejjesne
Datne mij gærhkoetjaalasovveme Sveerjesne mohte leah ålkoelaantesne veeljemebiejjesne maahtah prievine jienestidh. Ihke prievien tjïrrh jienestidh datne daarpesjh akte prievieveeljemepaagke. Paagkem maahtah veedtjedh jallh dongkedh dov hearra- jallh gærhkoeåålmege-ekspedisjovneste, jallh akten ålkoelaanten gærhkoeåålmegisnie. Jis ih datne veeljemekåarhtem meatan åtnah maahtah orre dongkedh. Dam seedtien ålkoelaantegærhkoeåålmegasse mij dov lïhkes. Dov prievietjaatsestimmie tjuara gærhkoeståvrosne årrodh minngemes skïereden 17.n biejjien.
Gihtjh viehkien mietie jis daerpies
Hijven daejredh juktie gaajhkide mah veeljemegåetie jïh åvtebodti-veeljemegåetide barkeminie, tjeakoesdïedtem utnieh.
Gosse jienesth dle tsavtsah guktie Svïenske gærhkoem stuvredh
Gærhkoeveeljemisnie maahtah golme veeljeminie jienestidh.
Veeljeme gærhkoefaamohkasse – lihkesbïjre
Gærhkoefaamohkasse veeljh dov gærhkoeåålmegisnie jïh dov pastoraatesne gusnie årroeminie. Gærhkoefaamohke nænnoste guktie barkoe edtja årrodh mij dov lïhke. Vuesiehtimmien gaavhtan magkeres barkoe gærhkoeåålmege edtja utnedh maanide, noeride jïh voeresidie jallh guktie musihkejieleme edtja årrodh.
Veelkes veeljemesïetelh.
Regionaale - Veeljeme stiftefaamohkasse
Svïenske gærhkoen leah 13 stifth. Stiftefaamohke lea stiften jollemes nænnoestimmie orgaane. Regionaale stifte daltesisnie nænnoestimmiem vaeltien dåarjegi bïjre juktie dåvvome gærhkojste, ovmessie dåarjegh vuesiehtimmien gaavhtan gåetieluhpieh daelvege, dåarjegh funksjovneunniedimmide, viehkiem baataræjjide jïh integrasjovnese, klijmabarkose jïh dle vijriebasse.
Jovjerööpses veeljemesïetelh.
Nasjonelle - Veeljeme gærhkoetjåahkose
Gærhkoetjåahkoe lea Svïenske gærhkoen jollemes nænnoestimmie orgaane. Gærhkoetjåahkoe 251 lïhtsegigujmie nænnoste gærhkoen ektie jïh stööremes gyhtjelassij bïjre. Gaajhkem daehtie guktie gærhkoe edtja klijmagyhtjelassine barkedh jïh magkeres saalmh gelkieh saalmegærjesne årrodh.
Viskes veeljemesïetelh.
Nomineringedåehkieh jïh kandidaath
Dah dåehkieh mah meatan gærhkoeveeljemisnie leah nomineringedåehkieh. Dah leah goh krirrieh sïejhme veeljemisnie.
Datne maahtah golme kandidaatide jienestidh kroessine dej sijjide veeljemesïetelisnie. Dah kroessh kandidaatide stuerebe nuepiem vedtieh veeljemasse jïh dov uvte barkedh. Jis ih naan kroessh bïejh dellie nomineringedåehkie mij dov jienestimmiem åådtje.
4,7 millijovnh reaktam utnieh jienestidh
Gærhkoeveeljemisnie 2025 medtie 4.7 millijovnh lïhtsegh reaktam utnieh jienestidh. Reaktam jienestidh dïhte åtna mij unnemes 16 jaepien båeries minngemes veeljemebiejjesne jïh lïhtsege Svïenske gærhkosne. Datne daarpesjh aaj Sveerjesne tjaalasovvedh årrodh.
Veeljemekåarhte
Veeljemekåarhte lea vierhtiepaehpere. Desnie bïevnesh dov veeljemegåetien bïjre jïh gusnie datne maahtah åvtelbodti jienestidh. Datne daarpesjh veeljemekåarhtem meatan vaeltedh jis datne åvtelbodti tjaatsesth. Datne aaj daarpesjh legitimasjovnem vuesiehtidh. Jis datne dov veeljemegåetesne tjaatsesth datne ajve daarpesjh legitimasjovnem meatan vaeltedh.
Veeljeme kåarhte dov tjaalesæjjan seedtien jïh dïhte edtja dutnjan båetedh minngemes skïereden 3 b.
Orre veeljemekåarhtem dongkedh
Jis datne veeljemekåarhtem dasseme, maahtah aktem orre åadtjodh (nïmhtemes jieniedehtemeveeljemekåarhte). Orre veeljemekåarhtem dongkedh, bïeljelh dov gærhkoeåålmegasse. Datne maahtah aaj daesnie dongkedh: svenskakyrkan.se/kyrkoval. Orre veeljemekåarhtem dov tjaalesæjjan seedtien.
Veeljemeilledahke
Gosse veeljemegåetieh jïh åvtelbodti jienestimmiem steegkeme, skïereden 21 delle aelkieh jienestimmide ryöknedh. Jienestimmide digitaalesnetjaelien jïh ryöknemem gåarede gaskeviermesne dåeriedidh: svenskakyrkan.se/kyrkoval.
Jienebh guktie prievine jïh dïjreguedtine jienestidh
Dïhte gie sæjhta jienestidh, maahta prievine jïh dïjreguedtiine dam darjodh. Ihke dam darjodh datne daarpesjh aktem prieviejienestimmiepaagkem utnedh. Daam maahtah, jallh akte jeatjah maahta paagkem veedtjedh gærhkoeåålmege- jallh pastore-ekspedisjovneste. Datne maahtah aaj paagkem dongkedh veeljemeservisesne: 010-18 19 400, mïetsken 30 biejjeste. Dan åvtelen maahtah Svïenske gærhkoen dåastoevasseringkedh: 018-16 95 00.
Prieviejienestimmiepaagkesne veeljemesïetelh jïh kuverth fïerhtene veeljemasse gååvnese, akte kuveerte prievie- jïh dïjrejienestæmman jïh akte ålloekuveerte dejtie mah sijhtieh prievien tjirrh jienestidh. Paagkesne aaj bïevnesh gååvnese guktie darjodh gosse prievien tjirrh jienestidh jïh dïjrejienestimmien bïjre.
Naemhtie darjoeh gosse prievine jienestidh jïh dïjreguedtine.
- Jis ih nomineringedåehkien veeljemesïetelem åtnah, datne maahtah nomineringedåehkien nommem gåaroes veeljemesïetelasse tjaeledh.
- Datne aktem veeljemesïetelem fïerhtene veeljemasse bïejh (veelkes veeljemesïetele gærhkoefaamohkasse, jovjerööpses veeljemesïetelem stiftefaamohkasse, viskes veeljemesïetelem gærhkoetjåanghkose) akten veeljemekuvertese jïh njimkehth.
- Göökte væhnajgujmie datne bïejh veeljemekuveertem mij joe njimkehtamme, kuvertese prievie- jïh dïjrejienestæmman (K4) mij gååvnese prieviejienestimmiepaagkesne. Njimkehth jïh steegkh kuveertem.
- Kuvertesne prievie- jïh dïjrejienestæmman (K4) datne dov almetjenummerem jïh dov nommen tjaalah goh tjirkeme juktie datne veeljemem eensilaakan dorjeme
- Seamma kuvertesne prievie- jïh dïjrejienestæmman (K4) dejtie göökte væhnide nommide tjaeliengan ihke tjirkemem vedtieh juktie datnem vuajneme kuvertesne tjaaleme. Væhnide tjueriegan 18 jaepien båeries årrodh jallh båarasåbpoe.
Jis datne edtjh dïjreguedtine jienestidh edtjh naemhtie darjodh:
- Dïjreguedtije meatan kuvertem (K4) vaalta. Veeljemekåarhtem tjuara meatan vaeltedh jis jïenestimmie åvtebodti-jienestimmiegåatan laahpa, mohte hijven aaj meatan vaeltedh jis dov veeljemegåatesne laahpa.
- Dïjreguedtije dov prieviejienestimmiem laahpa jïh altese nommem almetjenummerem jïh tjaalesijjiem tjaala jïh minngemes altese nommine tjaala juktie datne tjirkemem tjaaleme kuvertesne. Dïjreguedtije edtja legitimasjovnem vuesiehtidh jïh unnemes 18 jaepien båeries årrodh.
Edtjh datne prievien tjirrh jienestidh dellie datne åadtjh daejtie sïllide dåeriedidh dan mænngan datne kuvertese dov nommem tjaaleme, prievie- jïh dïjrejienestæmman, jïh göökte væhnah jijtsidie nommide tjaaleme:
- Bïejh kuvertem (K4) aktem kuvertese prieviejienestæmman jïh veeljemekåarhtem (K5) dov jienestimmiekåarhtine.
- GÏEHTJH! Bïejh veeljemekåarhtem juktie tjaalessijjie don stifteståvrose vuesehte åelkies klaasesne kuvertesne. Bïevnesh veeljememoenehtsen bïjre, veeljemedajve jïh dov nummere, jienestimmielæstosne vååjnoes gårroehklaasesne kuvertesne.
Seedth prieviem. Porto ij leah daerpies.
GÏEHTJH! Seedth prieviem gosk jaksa minngemes skïereden 19.n beajjan.
Jienebh bïevnesh
Veeljemeservise rïhpeste mïetsken 30 biejjien jïh jaksen telefovnesne: 010-18 19 400. Dan åvtelen maahtah Svïenske gærhkoen dåastovasse rïngkedh telefovnesne: 018-16 95 00. Datne maahtah aaj e-påastem seedtedh: kyrkoval@svenskakyrkan.se