Teologalaš guorahallan oskkudovddastusa golbma artihkkala birra ruoŧagillii.
Oskut Ipmilii, gii addá eallima juohke beaivvi
Mii oskut Ipmilii, gii lea buot olbmuide ja máilbmái addán eallima ja juohke beaivvi addá eallima. Dat lea Ipmil, gii olmmožin šaddá Jesus Kristusa bokte ja gii ain eallá min searvvis Bassi Vuoiŋŋa bokte.
Leat máŋga oskkudovddastusa. Oskkudovddastusa maid mii ovttas lohkat ipmilbálvalusain ja gásttain ja konfirmašuvnnas gohčoduvvo apostalaš oskkudovddastussan, dan girku čálii 300-logus:
Mii oskut Jesus Kristusii,
su áidnoriegádan Bárdnái, min Hearrái,
guhte sahkanii bassi Vuoiŋŋas,
riegádii nieida Marias,
givssiduvvui Pontius Pilatusa áiggi,
russiinávlejuvvui, jámii ja hávdáduvvui,
njiejai jábmiid riikii,
bajásčuožžilii jábmiid luhtte goalmmát beaivvi,
manai bajás albmái,
čohkká Ipmila, buotveagalaš Áhči, olgeš gieđa bealde,
boahtá fas doppe dubmet elliid ja jábmiid.
Mii oskut bassi Vuigŋii,
bassi oktasaš girku,
bassi olbmuid searvevuođa, suttuid ándagassii addojumi,
oačči bajásčuožžileami ja agálaš eallima.
Mii oskut ja dovddastit
Oskut sátni mearkkaša luohttit ja doaivut. Go girku hupmá Ipmilii oskut, de mearkkaša ahte mii jáhkkit ahte Ipmil gávdno ja mii luohttit ahte Ipmil lea buorre ja háliida oktavuođa juohke ovttain ja olles máilmmiin. Mii doaivut ahte Ipmil ráhkista, beastá ja gádju min.
Dovddasteapmi mearkkaša fátmmastit. Das lea sáhka juogo fátmmastit dahje dovddastit boasttuvuođa dahje vearredagu. Muhto sáhttá maid fátmmastit positiivvalaččat, ovdamearkka dihtii dovddastit iežas ráhkisvuođa nubbái. Go girku hupmá ahte galgá dovddastit iežas oskku, de mearkkaša dat ahte mii oskut golmmaoktalašvuođa Ipmilii.
Girku čoahkkáigeassá ja giitá Ipmila
Oskkudovddastus lea girku čoahkkáigeasu ja ovdanbuktá min giitevašvuođa Ipmila daguide midjiide. Oskkudovddastus ii galgga leat midjiide risttalaš oskku iskanlistu, mainna iskat masa leat ovtta oaivilis. Dat lea oanehis čoahkkáigeasu Ipmila stuorra daguide ja sivdnádussii. Go ipmilbálvalusas lohkat ovtta oskkudovddastusa, de mii fátmmastit dan.
Ipmil golmmaoktalašvuohtan
Oskkudovddastusas leat máŋga vuogi got Ipmila birra ságastit. Das leat golbma oasi, maid mii gohčodit oskkučállosin, dát oasit gullet oktii ja juohke ovttas leat iešguđetge vuogit got muitalit Ipmila birra. Go oskkudovddastus lea golmma oasi, de dat čájeha ahte mii oskut golmmaoktalašvuođa Ipmilii: gii lea sivdnidan almmi ja eatnama, gii lea olmmožin šaddan Jesus Kristusa bokte, ja eallá min searvvis Bassi Vuoiŋŋa bokte.