Gærhkoe barkijh daarpesje ovmessie barkoesuerkijste. Ij barre hearrah, diakovnh, musihkerh jïh pedagogh gærhkosne berkieh dovne ekonomh, gaertenebarkijh, bievnijh jïh barkoe-eksperth.
Daesnie barkoeh Sveerjen gærhkosne gaavnh.
Lediga tjänster inom Svenska kyrkan.
Gellie ovmessie barkoeh
● Jeenemes barkijh gærhkosne åålmeginie berkieh. Åålmegen vihkielommes barkoe leah almetjh gaavnesjidh, viehkiehtidh jïh buerie jieleden åvteste barkedh.
● Gærhkoen regionaale daltese lea stifte. Sveerjen gærhkoen leah 13 stifth.
● Stifte edtja evtemes åålmegi barkoem eevtjedh.
● Dah barkijh gærhkoen nasjonaale daltesisnie abpe gærhkoen ektiebarkojne jïh evtiedimmine berkieh. Dïhte nasjonaale kanslije lea gærhkoekanslije Uppsalesne.
● Sveerjen gærhkoen leah aaj barkijh gïeh ålkoelaantesne berkieh. Daesnie vielie bïevnesh gaavnh Sveerjen gærhkoen barkoej bïjre ålkoelaantesne.
Barkoeh gærhkosne
Daagkoe vuelege njieljie barkoej bïjre Sveerjen gærhkosne soptsestibie.
Hearra
Hearran vihkielommes barkoe edtja gyrhkesjidh, almetjh råakedh jïh sealoehoksem vedtedh. Barkoevåhkosne dellie barkoeh gosse gyrhkesjidh, laavkomh, juvlemh, pruvrh jïh ovmessie tjåanghkoeh åålmegisnie. Åålmegehearra maahta ovmessie nommh utnedh – v.g. komministeere jïh gærhkoehearra. Naan hearrah sjïere laavenjassh utnieh gærhkoen åvteste vuesiehtimmien gaavhtan skïemtjegåetine, skuvline jallh faangkegåetine.
Diakovne
Diakovne almetji- jïh fuelhkiejgujmie ektine barka ovmessie jieledetsiehkine jïh gosse aehpie. Diakovne almetjh viehkehte jïjtjemse viehkiehtidh jïh dej sijjen jïjtje faamoem gaavnedh.
Diakovne vuajna gusnie aehpie lea, almetjh dåårje.
Barkosne galka almetjidie goltelidh jïh vuejnedh dejtie giejtie aehpesne jïh dejtie dåeriesmoeride tjalmahtidh jïh voejhkelidh maam joem dejgujmie darjodh. Diakovnine dellie jïjtjevyljehke-organisatjovnigujmie ektine barka jïh sosijaale- jïh healsoehokse reeremigujmie.
Åålmegepedagååkh
Åålmegepedagååkh edtjieh meatan årrodh barkoem maanide, noeride jïh geerve almetjidie eevtjedh jïh evtiedidh. Barkosne edtjieh almetjigujmie gaavnedidh joekehts aalterisnie jïh barkoem ovmessie dåehkine stuvredh. Åålmegepedagååke skuvli- jïh ööhpehtimmie organisasjovni ektine barka jïh viermievierhkesne dovne tjïelti- jïh organisasjovnigujmie ektine.
Gærhkoemusihkere
Gærhkoemusihkere lea profesjonelle musihkerh. Gærhkoemusihkere spealede jïh lååvle gyrhkesjimmesne jïh jeatjah gærhkoen tjåanghkojne jïh laavlomedåehkieh jïh orkesterh juhtehte. Dïhte åålmegen musihkevierhkide edtja evtiedidh: gærhkoekonseerth, musihkestååkedimmieskuvle, musihkedåehkieh noeride jïh laavlomedåehkieh båeries almetjidie.
Daesnie bïevnesh dej barkoej ööhpehtimmide gaavnh.